Bátasafn Breiðafjarðar á Reykhólum var stofnað 31. ágúst 2006 af áhugafólki um báta og bátasmíði. Þar er súðbyrðingnum ætlað að vera í öndvegi, saga hans og þróun við Breiðafjörð sem og í sérhverjum landshluta, lag hans og haffærni eftir því til hvers hann var ætlaður. Safninu á Reykhólum er einnig ætlað það fjölþætta hlutverk að sýna smíði bátsins frá kili að borðstokk, járnasmíði,seglasaum og fa
rviðinn auk þess að kynna siglingarleiðir og fiskimið ( landmið) heyflutninga ,kirkjusókn, fiskigegnd, byr og hjátrú tengdri siglingum.Vitanlega yrði eitt helsta verkefni safnsins að geyma gamla báta og hafa þá til sýnis, koma á tengslum við skóla og æskulýðsstarf vítt og breitt um land í formi fræðslu og námskeiðahalds í bátasmíði.
