22/07/2026
ඒක එසේ මෙසේ ෆෑන්බේස් එකක් නෙවෙයි! 🔥‼️
කොලිවුඩ් සුපිරි තරුව තලපති විජෙයිගේ අවසන් සිනමා නිර්මාණය ලෙස සැලකෙන Jana Nayagan චිත්රපටය මාස කිහිපයකට පෙර ලීක් වීමත් සමඟ බොහෝ දෙනා එය නරඹා තිබුණා. එම ලීක් පිටපත නැරඹූ බොහෝ දෙනාගේ අදහස වුණේ චිත්රපටය එතරම් සුවිශේෂී නොවන බවයි.
නමුත් හෙට ලොව පුරා නිල වශයෙන් තිරගත වීමට නියමිත Jana Nayagan මේ වන විට ශ්රී ලංකාව තුළත් අතිශය ඉහළ ප්රතිචාරයක් ලබාගෙන තිබෙනවා. බුකින් ආරම්භ වීමට පෙර චිත්රපටයේ වාණිජ සාර්ථකත්වය ගැන සැක මතුව තිබුණත්, දැන් බොහෝ සිනමා ශාලා වේගයෙන් Housefull වෙමින් පවතිනවා.
ඒ වගේම මෙරට සාමාන්ය ටිකට්පතක මිල රු. 3000 ඉක්මවා ඇති අතර, FDFS ප්රදර්ශන සඳහා ටිකට් මිල රු. 7000 ද ඉක්මවා ගොස් තිබෙනවා.
මෙතන තියෙන විශේෂත්වය තමයි Jana Nayagan කියන්නේ දැනටමත් සම්පූර්ණයෙන්ම ලීක් වුන චිත්රපටයක්. ලීක් පිටපතට ධනාත්මක ප්රතිචාර ලැබුනෙත් නැහැ. ඒ විතරක් නෙවෙයි මේක The Odyssey සහ Brand New Day වැනි දැවැන්ත චිත්රපටද තිරගත වෙන කාලයක්. ඒ අතරෙ ලංකාවේ අයට විජෙයි ගැන තියෙන්නේ එසේ මෙසේ හේට් එකකුත් නෙවෙයි.
ඉතින් මේ ඔක්කොම අස්සෙ, මේ බුකින් වේගය දැක්කම හිතෙන දේ තමයි විජෙයිට තියෙන ඒ හේට් එක සෝෂල් මීඩියාවට විතරක් සීමා වුන එකක්ද කියලා. 😅
කොහොම වුණත්, ෆ්ලොප් වේවි කියලා බොහෝ දෙනෙක් හිතපු Jana Nayagan පළමු දිනයේම ඉන්දීය රුපියල් කෝටි 100 සීමාව පසු කිරීමේ තත්ත්වයක් මේ වන විට පෙන්නුම් කරමින් පවතිනවා.
(කෝටි 100 පහු කරන්න බැරි වුනත්, ඒ ලගට හරි එයි)
