13/03/2026
Ito ang kuwento nang isang netizen na nag tatrabaho sa Gasolinahan at nakiusap siya na kung puwedi ay pakitago na lang ang Kanyang pagkakakilanlan.
Matagal na akong nagtatrabaho sa isang gas station. Sa tagal ko rito, marami na akong nakikitang kalakaran na hindi alam ng karamihan sa mga motorista.
May narinig akong usapan minsan ng aming amo at ng kanyang kaibigan. Ang sabi nila, umaabot daw ng halos 2 milyong piso ang kita kada linggo.
Hindi ko na sasabihin kung anong kumpanya o kung saang lugar ang gas station na ito. Ang masasabi ko lang, taga-Nueva Ecija ako.
Habang patuloy na tumataas ang presyo ng gasolina at diesel ngayon, lalo akong nakakaramdam ng konsensya sa mga nangyayari.
Ang hindi alam ng maraming tao, may mga pagkakataon na hindi agad inilalabas ang diesel kahit may stock pa sa underground tank.
Madalas, pinapalabas naming ubos na ang diesel, o kaya naman ay half-day lang ang operasyon ng istasyon.
Pero ang totoo?
Marami pang laman ang tangke sa ilalim.
Pinapahold lang muna ang bentahan.
Karaniwan itong nangyayari kapag may balitang tataas pa ang presyo ng gasolina o diesel.
Ang ginagawa ng iba:
hinihintay munang magtaas ang presyo bago ilabas ang stock.
Para mas malaki ang tubo.
Halimbawa na lang:
Noong nakaraang linggo ang diesel ay nasa:
₱50.48 kada litro
Kung ipagpalagay na ang puhunan ay nasa:
₱45 kada litro
Ngayon ang presyo ay umaabot na sa:
₱84 kada litro
Ibig sabihin, may halos ₱44.18 na diperensya kada litro nito.
Ngayon isipin mo ang isang gas station na karaniwang nakakabenta ng:
10,000 litro ng diesel sa isang araw
Kung kukwentahin:
₱44.18 × 10,000 liters
= ₱441,800 dagdag na kita sa isang araw
Sa loob ng isang linggo:
₱441,800 × 7 araw
= mahigit ₱3,000,000
Sabihin na lang nating nasa ₱2 milyon ang netong kita.
Isang gas station pa lang 'yan.
Habang kami naman na mga pump attendant at cashier?
Below minimum wage pa rin ang sahod.
Araw-araw kaming nakabilad sa init ng araw, nalalanghap ang amoy ng diesel at gasolina, puyat, pagod, minsan gutom pa.
Samantala, araw-araw din naming nakikita ang mga customer na hirap na hirap:
• mga tricycle driver na nagbibilang ng barya para makapagpakarga
• mga delivery rider na ₱100 lang ang kayang ipagasolina
• mga ordinaryong tao na nagrereklamo sa taas ng presyo ng diesel at gasolina
Habang umiikot ang metro ng pump…
umiikot din ang milyon-milyong kita.
Minsan napapaisip na lang ako:
Talaga bang dahil lang ito sa gyera sa ibang bansa?
O dahil din sa kasakiman ng ilang negosyante dito sa Pilipinas?
Habang ang ordinaryong
