Cultura A Pobra do Caramiñal

24/07/2026

23/07/2026

✨ A maxia chega ao Cantón da Leña.

Este xoves 23 de xullo, ás 20:30 h, o Cantón da Leña acolle MarabiJoshua, a proposta do ilusionista Joshua Kenneth para sorprender a grandes e pequenos.

🎩 Ilusionismo, mentalismo, prestidixitación e participación do público únense nunha proposta sorprendente, divertida e artística, na que nada é o que semella.

📍 Cantón da Leña
📅 Xoves 23 de xullo
🕣 20:30 h

Esta actuación forma parte do programa Cultura no Camiño da Xunta de Galicia, que promove a chegada de espectáculos culturais aos concellos galegos.

21/07/2026

✨ O Cantón da Leña converterase este martes nun escenario cheo de música, aventuras e diversión coa chegada de A Landra Viaxeira e o amigo Lambón, o espectáculo familiar de Os Jalochos.

🎭 Da man de Sabela Olivares e Suso Bello, Landra e o seu amigo Lambón emprenderán unha viaxe por Galicia na que coñecerán personaxes singulares e vivirán múltiples aventuras. Unha proposta que combina música, baile e narración para poñer en valor o respecto pola natureza, descubrir novos lugares, achegarse á lingua de signos e convidar ás crianzas a cantar e bailar.

📅 Martes 21 de xullo
🕣 20.30 h
📍 Cantón da Leña

Unha cita para desfrutar en familia dun espectáculo cheo de ritmo, música e imaxinación. 🌿🎶

08/07/2026

Nova cita coa música ao aire libre 🎶

A Banda Ateneo Musical da Pobra protagonizará este venres, 10 de xullo, un novo concerto dentro do ciclo Concertos de Verán Banda AM da Pobra.

📅 Venres, 10 de xullo
🕙 22.00 h
📍 Praza do Cantón da Leña

A veciñanza e as persoas visitantes poderán desfrutar dunha nova noite de música en directo nun dos espazos máis emblemáticos da vila, da man da Banda Ateneo Musical da Pobra. 🎼✨

03/07/2026

FESTIVAL ATLÁNTICA | Marita Martínez presenta “Contadiña” na Pobra

O Festival Atlántica continúa na Pobra do Caramiñal coa actriz, cómica e narradora Marita Martínez, que achega “Contadiña”, un espectáculo no que o humor, a retranca e a memoria se entrelazan para dar vida a historias cheas de enxeño.

Partindo das lembranzas da súa avoa e de anécdotas familiares e alleas, Marita percorre os moceos, as regueifas, as festas, os alcumes, a emigración e outras peculiaridades do noso carácter nun relato fresco, próximo e cargado de ironía.

📅 Sábado 4 de xullo
🕘 21.00 h
📍 Convento de Santo Antón (Xobre)
👥 Público adulto
🎟️ Entrada de balde

Unha oportunidade para desfrutar dunha proposta que reivindica a narración oral con humor, autenticidade e unha mirada moi nosa.

02/07/2026

Raianas chega á Pobra do Caramiñal cunha proposta que combina narración oral e música para recuperar a memoria das mulleres da fronteira.

Da princesa mora Saluquia a María a Portuguesa, pasando por tantas outras mulleres anónimas, o espectáculo percorre lendas, cancións e relatos que nacen na Raia, un territorio marcado polo encontro, o contrabando e a resistencia. Unha viaxe pola historia e a tradición compartida, contada desde as voces femininas que contribuíron a construír a nosa identidade cultural.

📅 Venres, 3 de xullo
🕘 21.00 h
📍 Xardíns do Pazo do Couto (entrada pola fonte do Castelo)
🎟️ Acceso libre
👥 Público adulto
🗣️ Espectáculo en castelán