Cine Clube Ádega

Casa
España
Villagarcía de Arosa
Cine Clube Ádega

O Cine Clube Ádega ten como fins principais o fomento das artes cinematográficas e de todas as manifestacións relacionadas co mundo da imaxe.

Dotar a Vilagarcía dun canal de distribución estable e de calidade que convirta a esta cidade nuhna referencia en Galicia, como foi noutros tempos, con respecto a este arte. Contribuir a unha mellora da cultura audiovisual galega convertindo o lugar de proxección nun punto de encontro, alén de achegar ao público películas de difícil acceso e ensinar o cine dun xeito educativo e crítico ao público infantil e xuvenil da cidade.

23/07/2026

VENRES 31 DE XULLO
INAUGURACIÓN, PREMIO DE HONRA E DOCUMENTAL.
A Semana de Cine abre cunha homenaxe moi especial.
A Semana de Cine comeza cunha xornada dedicada á memoria, á historia do Cine Clube Ádega e ás persoas que contribuíron ao desenvolvemento cultural e cinematográfico de Vilagarcía.
Ás 21:00 horas terá lugar a inauguración oficial desta edición especial, coa que o Cine Clube Ádega celebra os seus 50 anos de historia.
Durante o acto farase entrega do Premio de Honra do Cine Clube Ádega ao actor vilagarcián Carlos Blanco, en recoñecemento á súa traxectoria profesional e á súa estreita relación cos primeiros anos da entidade.
Carlos Blanco foi membro fundador do Grupo de Teatro Ítaca e do propio Cine Clube Ádega, dous proxectos que contribuíron á renovación cultural da Vilagarcía dos anos setenta. A súa posterior carreira como actor, autor e humorista converteuno nunha das figuras máis recoñecidas da escena galega.
A entrega deste premio quere recoñecer tanto a súa traxectoria artística como a súa participación naquel impulso cultural colectivo que deu orixe ao Cine Clube Ádega.

Ás 22:00 horas presentarase o documental: A mirada compartida. Reflexo dunha vila.
Un percorrido pola historia do Cine Clube Ádega e pola súa relación coa evolución cultural e social de Vilagarcía.
A través de fotografías, documentos, arquivos audiovisuais e testemuños de distintas xeracións, o documental reconstrúe medio século de proxeccións, debates, encontros e experiencias compartidas.
Non é unicamente a historia dunha asociación. É tamén a historia dos espazos nos que vimos cine, das persoas que mantiveron vivo o proxecto e dunha vila que foi mudando xunto ao seu cineclube.

📆 Venres, 31 de xullo de 2026
📍 Salón García, Vilagarcía de Arousa
🕒 21:00 h — Inauguración da Semana de Cine
Entrega do Premio de Honra do Cine Clube Ádega a Carlos Blanco 🕒 22:00 h — Presentación do documental
🎟️ Entrada de balde

23/07/2026

Na rolda de prensa presentouse a Semana de Cine do Cine Clube Ádega – Especial 50 Aniversario, coa presenza da concelleira de Cultura, Sonia Outón, e do alcalde de Vilagarcía de Arousa, Alberto Varela.

Ambos destacaron a importancia desta edición tan especial, expresaron o seu apoio ao Cine Clube Ádega e puxeron en valor o labor desenvolvido pola entidade durante cinco décadas a prol da cultura en Vilagarcía, así como o seu compromiso coa cidade.
Pola súa banda, o presidente do Cine Clube Ádega, Fernando López, explicou as características desta edición conmemorativa, facendo fincapé nas actividades especiais que complementarán as proxeccións cinematográficas. Entre elas destacan a presentación dun avance do documental "Cine Clube Ádega: 50 anos dunha ollada compartida", a entrega do Premio de Honra do Cine Clube Ádega ao actor Carlos Blanco, a festa Tex-Mex no Parque Enrique Valdés e o filme-concerto coa banda de Chus Pazos, que terá lugar o día 8 de agosto.

Finalmente, o vicepresidente do Cine Clube Ádega, Xabier Marqués, presentou o podcast "Gafapasta Plasta", que acompañará a programación coa gravación dun episodio dedicado a cada película, contando coa participación de destacadas figuras da cultura vilagarciá. Ademais, anunciou a colaboración de Manuel Villaronga, quen realizará un podcast especial sobre a historia do cinema en Vilagarcía.

22/07/2026

A histórica Semana De Cine celebrará unha edición especial adicada ó cincuentenario do Cine Clube Ádega, combinando proxeccións, conciertos, encontros, PÓDCASTS e actividades participativas.

21/07/2026

INAUGURACIÓN DA SEMANA DE CINE, EDICIÓN ESPECIAL 50 ANOS.
📍 Salón García

21:00 h — Acto inaugural institucional, coa presenza da directiva do Cine Clube Ádega, da Concelleira de Cultura e do Alcalde de Vilagarcía de Arousa.
Entrega do Premio de Honra ÁDEGA-FECIGA a CARLOS BLANCO pola súa contribución ao cinema e á cultura.

22:00 h — Presentación do documental "A MIRADA COMPARTIDA. REFLEXO DUNHA VILA", película documental centrada na historia do Cine Clube Ádega e na actividade cultural de Vilagarcía dende a transición democrática ata hoxe.
Dirección: Fernando López
COLOQUIO CO PÚBLICO.

20/07/2026

MURAL CONMEMORATIVO 50 ANOS ÁDEGA

Dirección artística: Sebastián Camacho ( Madrid , 1981) artista especializado en pintura, fotografía e murais, afincado na Illa de Arousa.

A participación cidadana escolleu as imaxes e as plasmou de forma autónoma.

A Rúa Castelao agora conta cun gran valor símbolico, dotado de luz cor e identidade.

17/07/2026

🔵 MURAL CONMEMORATIVO REMATADO!

Aquí temos parte do proceso de deseño e pintura .

Grazas pola vosa participación nesta iniciativa.

👏 Agradecemos a .armenteros polo material sumistrado.

16/07/2026

No se pode entender a historia da cidade de Vilagarcía sen a dos seus cinemas e teatros. De feito a urbanización da Rúa Castelao e a sucesiva construcción dos seus cinemas emblemáticos percorren de xeito paralelo o transitar da cidade desde finales do século XIX ata actualidade.

Dende o cine clube Ádega pareceunos de xustiza recordar e homenaxear eses cinemas creando un mural participativo na antigua localización do cinema Fantasio.

A coordinación e dirección do mesmo correu a cargo do reputado artista plástico Sebastián Camacho.

13/07/2026

Está en marcha a preparación da intervención no mural conmemorativo dos 50 anos do Cine Clube Ádega.

Animádevos a deixar voar a vosa imaxinación e pintar unha parte a partir das 11:00 am do mércores 15 Xullo, na Rúa Castelao , entre decoración el Hogar e o local Da UGT.

12/07/2026

🔵 O CINECLUBE ÁDEGA foi o mediador desta cesión ao Concello, para disfrute de toda a sociedade.

🔵 A idea inicial do Fermín Bouza Brey era cedelo ao Cineclube por medio do seu antigo presidente, Lolo Carballo, quen foi tamén director dese centro.

09/07/2026

MURAL CONMEMORATIVO DOS CINEMAS DE GALICIA.

Días 13, 14 e 15 de xullo.

Realización dun mural temático sobre os históricos cinemas , das rúas Castelao, espazo simbólico da memoria cinematográfica da cidade.
A iniciativa busca converter o espazo urbano nun lugar de memoria compartida aredor do cinema.

DIRECCIÓN ARTÍSTICA: Sebastián Camacho (Madrid, 1981). Artista especializado en pintura , fotografía e muráis, que plantea facer unha intervención pública e cidadá mediante a cal todos aqueles que desexen participar poidan aportar o seu gran de area na confección do mesmo.

PARTICIPACIÓN: aberta á ciudadanía, socias e socios do Cine Clube Ádega.

Todo o proceso de deseño será grabado , de xeito que os vilagarciáns posúan un recordó colectivo da súa participación nesta iniciativa.

Dirección

Rúa Alcalde Rey Daviña, 14
Villagarcía De Arosa
36600

Horario de Apertura

21:00 - 00:00

Teléfono

610582016

Página web

https://www.cineclubeadega.com/

Notificaciones

Sé el primero en enterarse y déjanos enviarle un correo electrónico cuando Cine Clube Ádega publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.