16/07/2026
ალექსანდრე მაკედონელი — ანტიკური სამყაროს უდიდესი მხედართმთავარი. სრული დოკუმენტური ფილმი...
ტელე-რადიო კომპანია Georgian Times ("ჯორჯიან თაიმსი") წარმოგიდგენთ დოკუმენტურ გადაცემას "მსოფლიო ისტორიის გაკვეთილები". (ყოველ ორშაბათს - 21:30 საათზე)
📜🖥 - სცენარის და ვიდეო მონტაჟის ავტორი - მირზა ცხოიძე.
🎙 - გამხმოვანებელი - ლაშა მურჯიკნელი.
💡- პროდიუსერი და იდეის ავტორი - მალხაზ გულაშვილი.
ახალგაზრდა ალექსანდრე მაკედონელი, რომელმაც ჯერ საბერძნეთი დაიმორჩილა, მცირე და დისციპლინირებული ლაშქრით მსოფლიოს უძლიერეს სახელმწიფოს — სპარსეთის იმპერიას დაუპირისპირდა. გრანიკოსიდან ისოსამდე, ტვიროსის მიუდგომელი კედლებიდან ეგვიპტემდე და გავგამელას გადამწყვეტ ბრძოლამდე მან გამარჯვებათა გზა განვლო, დარიოს III დაამარცხა და ძველი სამყაროს უდიდესი იმპერიის მბრძანებელი გახდა. თუმცა რაც უფრო შორს მიდიოდა აღმოსავლეთისკენ, მით უფრო მძიმდებოდა ბრძოლა — აჯანყებებმა, შეთქმულებებმა, მეგობრების დაკარგვამ, ინდოეთის სისხლიანმა ლაშქრობამ და საკუთარი არმიის დაუმორჩილებლობამ დამპყრობლის ძლიერებას პირველი ბზარები გაუჩინა. ალექსანდრეს უკვე მხოლოდ მიწების დაპყრობა აღარ სურდა — იგი ცდილობდა აღმოსავლეთისა და დასავლეთის ხალხები ერთ სახელმწიფოდ გაეერთიანებინა, მაგრამ მოულოდნელმა ავადმყოფობამ მისი ახალი გეგმები შეწყვიტა. ოცდათორმეტი წლის მეფის სიკვდილმა უპატრონოდ დატოვა იმპერია, რომელმაც მალევე სისხლიან ომებში დაიწყო დაშლა, თუმცა მისი სახელით კაცობრიობის ისტორიაში სრულიად ახალი — ელინისტური ეპოქა დაიწყო.
❗ვიდეოში გამოყენებული ვიზუალური მასალა წარმოადგენს ხელოვნური ინტელექტის დახმარებით შექმნილ ისტორიულ რეკონსტრუქციას და არ არის ავთენტური საარქივო კადრები. ვიზუალური სცენები შექმნილია ისტორიული გარემოს აღსადგენად. ❗
