25/12/2025
സർവ്വം മായ... SARVAM MAYA...!!
തീയ്യറ്റർ : വിസ്മയ സിനിമാസ്, പെരിന്തൽമണ്ണ
Genre: ഹോറർ കോമഡി, Not Jump scare
സത്യൻ അന്തിക്കാടിന്റെ മകൻ അഖിൽ സത്യന്റെ മുൻചിത്രം പാച്ചുവും അത്ഭുതവിളക്കും ഏറെ ഇഷ്ടപെട്ട സിനിമയായിരുന്നു. '2018' എന്ന huge blockbuster പടത്തിന്റെ കൂടെ ഇറങ്ങിയത് കൊണ്ട് ആവറേജ് ഹിറ്റ് മാത്രമായി ഒതുങ്ങിപ്പോയ സിനിമയായിരുന്നു പാച്ചു. നല്ല തിരക്കഥയായിരുന്നു. സർവം മായ ഗംഭീര സിനിമയാണ്. അതിമനോഹരമായ മേക്കിങ്ങിലും തിരക്കഥയിലും നിവിന്റെ സൂപ്പർ പെർഫോമൻസിലും പിറന്ന ഉജ്വല ചിത്രം. നിവിൻ പോളിയുടെ അതിഗംഭീര തിരിച്ചുവരവ്.
നിവിൻ പോളി തന്റെ പഴയ സേഫ് and ബെസ്റ്റ് സോണിലേക്ക് തിരിച്ചെത്തിയിരിക്കുന്നു. ബോഡി ഒക്കെ നല്ല trim ആയത് പോലെ. ഗംഭീര പെർഫോമൻസ്. നിവിൻ ഇങ്ങനത്തെ റോളുകൾ ചെയ്യുന്നതാണ് നല്ലത്.
അജു വർഗീസ് - നിവിൻ combo സൂപ്പർ. റിയ ഷിബുവും നല്ലതാണ്. നല്ല പെർഫോമൻസ്. അവരുടെ പ്രകടനമാണ് സിനിമയുടെ വിജയത്തിന്റെ ഒരു പ്രധാന ഘടകം. പ്രീതി മുകുന്ദൻ നല്ലതാണ്. അജു സിനിമയുടെ അഭിവാജ്യ ഘടകം ആയിരുന്നു. നല്ല കോമഡി ടൈമിംഗ്.
ജനാർദ്ദനൻ മികച്ച പ്രകടനം.
ജസ്റ്റിൻ പ്രഭാകരൻ ഒരുക്കിയ ഗാനങ്ങൾ വളരെ മികച്ചത്.
പശ്ചാത്തല സംഗീതവും സിനിമയോട് ചേർന്ന് നിന്നു. ശരൺ വേലായുധൻ ഒരുക്കിയ ഫ്രെയിംസ് നല്ലത്.
അഖിൽ സത്യൻ തന്നെയാണ് എഡിറ്റിങ്.രണ്ടര മണിക്കൂർ അടുത്താണ് സിനിമ. ഒരിടത്തും ലാഗ് തോന്നിയില്ല. തിരക്കഥയുടെ മിക്കവാണ് പ്രധാനം.
ആകെമൊത്തത്തിൽ ഒറ്റ വാക്കിൽ "നിവിൻ പോളി is Back... ". കുറേ തമാശകളും, ഇത്തിരി ഹൊറർ കോമെഡിയും, സെന്റിമെൻസും എല്ലാം ചേർന്ന വളരെ മികച്ച entertainer ആണ് സർവ്വം മായ. നിവിൻ പൊളിയെ മലയാളിക്ക് ഇഷ്ടമുള്ള രീതിയിൽ ഇത്രയും മനോഹരമായി കാണാൻ സാധിച്ചിട്ട് ഒരുപാട് നാളായി. സത്യൻ അന്തിക്കാട് ചിത്രങ്ങളുടെ ഒരു pattern തന്നെയാണ് ചിത്രം പിടിച്ചിരിക്കുന്നത്. അത് കൊണ്ട് തന്നെ സത്യൻ ചിത്രങ്ങൾ ഇഷ്ടമുള്ളവർക്ക് പടം വർക്ക് ആകാനാണ് സാധ്യത. എനിക്ക് നന്നായി വർക്ക് ആയി. നിവിന്റെ രസകരമായ expressions സിനിമയിൽ ഭംഗിയായി ഫ്രെയിം ചെയ്തിട്ടുണ്ട് എന്നത് വലിയൊരു പോസിറ്റീവ് ആണ്. എല്ലാവരോടും ഉച്ചത്തിൽ വിളിച്ചു പറയാൻ തോന്നുന്നു... നിവിൻ ബോക്സ്ഓഫീസിലേക്ക് തിരിച്ചു വന്നു...അത്യജ്വല comeback...നിവിൻ പോളി ഈസ് ബാക്ക്.......!!
- നാരായണൻ