14/07/2026
অখিল ভাৰতীয় বিদ্যাৰ্থী পৰিষদৰ ৭৮ সংখ্যক প্ৰতিষ্ঠা দিৱস আৰু ৰাষ্ট্ৰীয় বিদ্যাৰ্থী দিৱস উপলক্ষে এবিভিপি, ওৰাং শাখাৰ উদ্যোগত আজি কলাগুৰু বিষ্ণু ৰাভা স্নাতক মহাবিদ্যালয়ত 'শ্ৰেষ্ঠ বিদ্যাৰ্থী অভিনন্দন অনুষ্ঠান' সফলতাৰে অনুষ্ঠিত হয়।
অনুষ্ঠানত অঞ্চলটোৰ কৃতি ছাত্ৰ-ছাত্ৰীসকলক তেওঁলোকৰ শৈক্ষিক উৎকৰ্ষতাৰ বাবে সম্বৰ্ধনা জনোৱাৰ লগতে অধ্যৱসায়, মূল্যবোধ, নেতৃত্বৰ গুণ আৰু ৰাষ্ট্ৰসেৱাৰ মানসিকতাৰে আগবাঢ়ি যাবলৈ আহ্বান জনোৱা হয়।
অনুষ্ঠানত বিশিষ্ট অতিথি হিচাপে উপস্থিত থাকে ডঃ উৎপল হাজং (অধ্যক্ষ, কলাগুৰু বিষ্ণু ৰাভা স্নাতক মহাবিদ্যালয়, ওৰাং), মানস জ্যোতি নাথ (ৰাজ্যিক যুটীয়া সম্পাদক, এবিভিপি, অসম প্ৰদেশ), শংকৰ ছেত্ৰী (বিভাগ সাংগঠনিক সম্পাদক, তেজপুৰ বিভাগ), জয়ন্ত কুমাৰ নাথ (বিভাগ প্ৰমুখ, তেজপুৰ বিভাগ), চিতু বৈশ্য (পূৰ্ব সাংগঠনিক সম্পাদক, দৰং–ওদালগুৰি জিলা), মুনি হান্সে (জিলা সাংগঠনিক সম্পাদক, ওদালগুৰি জিলা), প্ৰণয় শইকীয়া (জিলা সংযোজক, ওদালগুৰি জিলা), ডঃ হোমেন বৰুৱা (সভাপতি, এবিভিপি ওৰাং শাখা) আৰু গৌৰচান্দ ৰয় (সম্পাদক, এবিভিপি ওৰাং শাখা)।
অখিল ভাৰতীয় বিদ্যাৰ্থী পৰিষদে "ছাত্ৰ শক্তি – ৰাষ্ট্ৰ শক্তি" ৰ আদৰ্শক সন্মুখত ৰাখি ছাত্ৰ-ছাত্ৰীৰ সৰ্বাংগীণ বিকাশ, মূল্যবোধভিত্তিক শিক্ষা, নেতৃত্ব বিকাশ আৰু ৰাষ্ট্ৰ নিৰ্মাণৰ লক্ষ্যৰে নিৰন্তৰ কাম কৰি আহিছে। এই অনুষ্ঠানৰ জৰিয়তে সেই লক্ষ্যক পুনৰ দৃঢ়ভাৱে প্ৰতিফলিত কৰা হয়।
