Lífsvefurinn er sjálfsþekkingarnám fyrir konur, sem varð til í samvinnu félagsráðgjafanna Karólínu Stefánsdóttur og Valgerðar H. Bjarnadóttur. Fyrsta námskeiðið var haldið 1992 á Akureyri, og síðan hafa þúsundir kvenna um allt land og víðar um heiminn sótt ýmsar útgáfur grunnnámskeiðsins og framhaldsnámskeið. Þróuð hafa verið námskeið sérstaklega sniðin að ólíkum hópum, s.s. konum sem í starfi sín
u styðja við aðrar konur; konur í atvinnuleit; konur á tímamótum; ungar mæður; erlendar konur o.s.frv. Mæður Lífsvefsins nýta nálgunina líka á öðrum námskeiðum og í handleiðslu og ráðgjöf. Grunnurinn í Lífsvefnum er heildarhugsun og hringurinn er nýttur sem grunnform til að skoða lífsheildina, ævihringinn, tengsl og samskipti. Byggt er á eigin kvenlægri þekkingu og reynslu, skapandi samtali mæðra þessa námsefnis, samtali við þátttakendur, auk kenninga og hugmynda annarra kvenna og karla með ólíka menntun og sjónarhorn. Helstu efnisþættir eru: Saga okkar og staða; Tilfinningar og tengsl; Sjálfsþekking og samskipti; Fordómar og fyrirmyndir; Draumar og lífsauður. Lífsvefurinn er nú í boði fyrir konur á höfuðborgarsvæðinu, auk þess sem hægt er að koma með námskeið hvert á land sem er ef hópar óska eftir því.
