Listvinafélagið í Reykjavík

Listvinafélagið í Reykjavík Listrænn stjórnandi frá upphafi er Hörður Áskelsson. Markmið Listvinafélagsins í Reykjavík er að standa fyrir öflugu og metnaðarfullu listastarfi á Íslandi.

The Reykjavik Friends of the Arts Society, founded in 1982, has the goal to enrich and support the thriving art scene in Iceland and to organise ambitious and elaborate arts events, both period and innovative performances. Listvinafélagið í Reykjavík - áður Listvinafélag Hallgrímskirkju - var stofnað 1982 með það markmið að efla listalíf við Hallgrímskirkju og stóð félagið fyrir mjög blómlegu list

astarfi í kirkjunni allt til ársins 2020. Félagið verður áfram í nánu samstarfi við kórana Mótettukórinn (áður Mótettukór Hallgrímskirkju) og Schola cantorum. Félagið hyggst styðja við upprunaflutning m.a. í samstarfi við
Alþjóðlegu barokksveitina ( áður The Hague International Baroque Orchestra - Alþjóðlega barokksveitin í Hallgrímskirkju) og einnig stuðla að nýsköpun í listum. Nýsköpun hefur frá upphafi skipað stóran sess í starfi Listvinafélags Hallgrímskirkju og hafa fjölmörg verk íslenskra höfunda verið frumflutt á vegum Listvinafélagsins, tónverk, frumsamin ljóð, leikrit, myndlistasýningar o fl. Einnig var Listvinafélagið bakhjarl 15 Kirkjulistahátíða sem haldnar voru í kirkjunni 1987-2019. Stjórn Listvinafélagsins í Reykjavík 2021-2022 skipa: Hörður Áskelsson listrænn stjórnandi, Rósa Gísladóttir formaður, Alexandra Kjeld meðstjórnandi, Auður Perla Svansdóttir fulltrúi Mótettukórsins og Helgi Steinar Helgason fulltrúi Schola cantorum. Í varastjórn eru Ágúst Ingi Ágústsson, Halldór Hauksson, Halla Björgvinsdóttir fulltrúi Mótettukórsins og Benedikt Ingólfsson fulltrúi Schola cantorum. Framkvæmdastjóri félagsins er Inga Rós Ingólfsdóttir sellóleikari. Viðburðir félagsins verða haldnir víðsvegar á höfuðborgarsvæðinu og um land allt og má t.d. nefna að Jólaóratórían eftir J.S.Bach verður flutt í Eldborgarsal Hörpu 28. nóvember 2021. Flytjendur verða Mótettukórinn, Alþjóðlega barokksveitin og 4 frábærir einsöngvarar undir stjórn Harðar Áskelssonar. Saga félagsins:
Listvinafélagið, sem á sér 39 ára langa sögu í Hallgrímskirkju, skipulagði þar um 50-60 tónleika á ári, þar á meðal undir merkjum Jólatónlistarhátíðar í Hallgrímskirkju, Alþjóðlegs orgelsumars og skipulagði þrjár til fjórar myndlistarsýningar árlega í forkirkju Hallgrímskirkju með viðurkenndum listamönnum. Listvinafélagið studdi einnig við fjölbreyttan og vandaðan tónlistarflutning í helgihaldi kirkjunnar ásamt kórum kirkjunnar og margir gestakórar komu fram á þess vegum. Sálmafoss sem Listvinafélagið skipulagði var einnig einn af föstum viðburðum á Menningarnótt í Hallgrímskirkju.

Á aðalfundi Listvinafélagsins í Hörpu 26. maí 2021 var samþykkt að breyta nafni félagsins í Listvinafélagið í Reykjavík. Ástæðan fyrir nafnabreytingunni er sú að Hallgrímssöfnuður sagði upp samstarfssamningi sínum við Listvinafélagið í júní 2020 og ekki var áhugi af hálfu sóknarnefndar kirkjunnar fyrir áframhaldandi starfi Listvinafélagsins innan veggja kirkjunnar eins og áður.

✨ Stórkostlegt kvöld ✨Ljósmynd: Bergþóra Ragnarsdóttir
29/12/2024

✨ Stórkostlegt kvöld ✨
Ljósmynd: Bergþóra Ragnarsdóttir

Rehearsals Dec 2024 - Bach's Christmas Oratorio. Photos:
29/12/2024

Rehearsals Dec 2024 - Bach's Christmas Oratorio.
Photos:

Óhætt að segja að það ríki mikil eftirvænting og tilhlökkun fyrir hátíðartónleikana á eftir. Það er uppselt upp í rjáfur...
29/12/2024

Óhætt að segja að það ríki mikil eftirvænting og tilhlökkun fyrir hátíðartónleikana á eftir. Það er uppselt upp í rjáfur en hægt verður að hlýða á beina útsendingu á Rás 1 kl. 17:00. Við erum þakklát fyrir stórkostlegar og hlýjar viðtökur sl. vikur og mánuði og það verður yndislegt að fagna saman á þessum stóru tímamótum með Mótettukórnum, Schola Cantorum, Alþjóðlegu barokksveitinni og dásamlegum einsöngvurum.

Nú fer að verða uppselt á lokatónleika Listvinafélagsins þann 29. desember nk. Jólaóratoría J.S. Bach í Eldborg***Það vo...
17/12/2024

Nú fer að verða uppselt á lokatónleika Listvinafélagsins þann 29. desember nk. Jólaóratoría J.S. Bach í Eldborg

***Það voru að bætast við fáeinir miðar á fremstu bekkjum. Tryggið ykkur miða ✨

Benedikt Kristjánsson Mótettukórinn Herdís Jónasdóttir Johann Kristinsson Alex Potter Schola Cantorum Harpa tónlistar- og ráðstefnuhús / Harpa Concert Hall and Conference Centre

Jóhann Kristinsson baríton hefur vakið mikla athygli og unnið til margra verðlauna og var valinn söngvari ársins á Íslen...
07/12/2024

Jóhann Kristinsson baríton hefur vakið mikla athygli og unnið til margra verðlauna og var valinn söngvari ársins á Íslensku tónlistarverðlaununum 2024. Hann hefur unnið með stjórnendum á borð við Herbert Blomstedt, Bertrand de Billy og Kent Nagano og komið fram með fjölmörgum virtum hljómsveitum. Hann söng í fyrsta sinn sem einsöngvari með Mótettukórnum í Messíasi eftir Händel í desember 2019 og tók einnig þátt í hinum rómaða flutningi Mótettukórsins og Alþjóðlegu barokksveitarinnar á Jólaóratóríunni í Hörpu 2021.

Með flutningi Jólaóratóríunnarí Eldborg þann 29. desember nk. gefur Listvinafélagið íslenskum tónleikagestum kost á að upplifa eitt af stórvirkjum tónbókmenntanna í flutningi einvalaliðs hljóðfæraleikara sem hafa sérhæft sig í barokkflutningi og framúrskarandi einsöngvara og kóra. Fluttar verða kantötur I–III og V og tekur hver kantata u.þ.b. 30 mínútur í flutningi.

Tónleikarnir eru um 2 og 1/2 klst með hléi. Flytjendur eru alls hátt í 100 – 60-70 manna kór, 27 hljóðfæraleikarar, 4 einsöngvarar og stjórnandi.

Miðasala á þennan einstaka menningarviðburð er á tix.is

Flytjendur:

Herdís Anna Jónasdóttir sópran
Alex Potter kontratenór
Benedikt Kristjánsson tenór
Jóhann Kristinsson bassi

Mótettukórinn
Schola Cantorum
Alþjóðlega barokksveitin í Reykjavík
Konsertmeistari: Tuomo Suni

Stjórnandi: Benedikt Kristjánsson

Alex Potter kontratenór frá Englandi sem fer með eitt stærsta einsöngshlutverkið í Jólaóratóríunni, sunnudaginn 29. dese...
27/11/2024

Alex Potter kontratenór frá Englandi sem fer með eitt stærsta einsöngshlutverkið í Jólaóratóríunni, sunnudaginn 29. desember í Eldborg, er einn af fremstu kontratenórum heims og afar virtur túlkandi barokktónlistar. Hann kemur nú fram í fjórða sinn á vegum Listvinafélagsins og er koma hans fagnaðarefni fyrir fjölmarga aðdáendur hans hér á landi.

Með flutningi Jólaóratóríunnar gefur Listvinafélagið íslenskum tónleikagestum kost á að upplifa eitt af stórvirkjum tónbókmenntanna í flutningi einvalaliðs hljóðfæraleikara sem hafa sérhæft sig í barokkflutningi og framúrskarandi einsöngvara og kóra. Fluttar verða kantötur I–III og V og tekur hver kantata u.þ.b. 30 mínútur í flutningi.

Tónleikarnir eru um 2 og 1/2 klst með hléi. Flytjendur eru alls hátt í 100 – 60-70 manna kór, 27 hljóðfæraleikarar, 4 einsöngvarar og stjórnandi.

Miðasala á þennan einstaka menningarviðburð er á tix.is

Flytjendur:

Herdís Anna Jónasdóttir sópran
Alex Potter kontratenór
Benedikt Kristjánsson tenór
Jóhann Kristinsson bassi

Mótettukórinn
Schola Cantorum
Alþjóðlega barokksveitin í Reykjavík
Konsertmeistari: Tuomo Suni

Stjórnandi: Benedikt Kristjánsson

Herdís Anna Jónasdóttir sópran var valin söngvari ársins á Íslensku tónlistarverðlaununum 2022 og hlaut Grímuna árið 201...
17/11/2024

Herdís Anna Jónasdóttir sópran var valin söngvari ársins á Íslensku tónlistarverðlaununum 2022 og hlaut Grímuna árið 2019 auk ýmissa annarra verðlauna og viðurkenninga. Hún hefur margoft komið fram í stórum einsöngshlutverkum frá ýmsum stíltímabilum bæði í óperum og óratóríum og hlotið mikið lof fyrir.

Herdís verður meðal einsöngvara í Eldborg Hörpu sunnudaginn 29. desember kl. 17 þegar Mótettukórinn, Schola Cantorum, Alþjóðlega barokksveitin í Reykjavík ásamt einsöngvurum flytja Jólaóratóríuna BWV 248 eftir Johann Sebastian Bach.

Þessir glæsilegu hátíðartónleikar verða lokatónleikar á 42 ára starfsferli Listvinafélagsins í Reykjavík, áður Listvinafélags Hallgrímskirkju, og lýkur þannig einstökum kafla í menningarsögu þjóðarinnar.

Jólaóratóría Bachs er án efa frægasta tónverk jólanna og er flutt um allan heim á aðventu og jólum. Verkið segir söguna af fæðingu Jesú á einstaklega áhrifamikinn og hrífandi hátt. Mótettukórinn og kammerkórinn Schola Cantorum syngja Jólaóratóríuna í fyrsta sinn saman en Mótettukórinn flutti verkið seinast árið 2021 í Hörpu undir stjórn Harðar Áskelssonar við mikla hrifningu áheyrenda og hlaut Íslensku tónlistarverðlaunin sem tónlistarflytjandi ársins 2021 fyrir flutninginn.

Miðasala á tix.is og harpa.is

Benedikt Kristjánsson tenór syngur hlutverk guðspjallamannsins og einsöngsaríur ásamt því að stjórna flutningi á Jólaóra...
10/11/2024

Benedikt Kristjánsson tenór syngur hlutverk guðspjallamannsins og einsöngsaríur ásamt því að stjórna flutningi á Jólaóratóríunni 29. desember næstkomandi í Eldborg. Benedikt er einn af eftirsóttustu ungu tenórum heims um þessar mundir og má segja að hann hafi hlotið heimsfrægð eftir að hann var fenginn til að flytja Jóhannesarpassíu Bachs í útsetningu fyrir þrjá flytjendur í beinni útsendingu frá Tómasarkirkjunni í Leipzig á föstudaginn langa 2020 en skömmu áður höfðu þremenningarnir flutt verkið í sama búningi í Hallgrímskirkju á vegum Listvinafélagsins.

Sem guðspjallamaður í passíum Bachs og Jólaóratóríu og einsöngvari í öðrum óratóríum hefur Benedikt komið fram víða um heim og sungið með þekktum hljómsveitum í mörgum af stærstu tónleikahúsum heims. Hann hefur unnið með mörgum virtum stjórnendum og má þar nefna Reinhard Goebel, Hans-Christoph Rademann og Philippe Herreweghe. Benedikt hefur undanfarin ár margoft komið fram undir stjórn Harðar Áskelssonar með kórum hans og er gleðilegt að hann sem hóf feril sinn sem guðspjallamaður undir stjórn Harðar árið 2011 stjórni þessum tímamótatónleikum, en hann hefur einnig æft báða kórana fyrir þennan flutning.

Mótettukórinn, Schola Cantorum, Alþjóðlega barokksveitin í Reykjavík ásamt einsöngvurum flytja Jólaóratóríuna BWV 248 eftir Johann Sebastian Bach í Eldborg Hörpu sunnudaginn 29. desember kl. 17.

Þessir glæsilegu hátíðartónleikar verða lokatónleikar á 42 ára starfsferli Listvinafélagsins í Reykjavík, áður Listvinafélags Hallgrímskirkju, og lýkur þannig einstökum kafla í menningarsögu þjóðarinnar.

Miðasala á tix.is og harpa.is.

Harpa • 29. desember

So excited on behalf of all the nominees this evening, but particularly proud of one nomination - The Gospel of Mary by ...
22/10/2024

So excited on behalf of all the nominees this evening, but particularly proud of one nomination - The Gospel of Mary by Hugi Guðmundsson - which was commissioned by Hörður Áskelsson on behalf of the Reykjavík Friends of the Arts Society. We are very proud of the all the success this beautiful piece has enjoyed since its inception and stage performance and the numerous awards its recording has garnered since the album release 2023. A heartfelt congratulations to all involved in the creation of this piece and to all nominees tonight.

//

Óratórían Guðspjall Maríu- The Gospel of Mary- eftir Huga Guðmundsson er tilnefnd til Norrænu tónlistarverðlaunanna sem afhent verða í Hörpu í kvöld 22. október 2024. Tónlistarverðlaun Norðurlandaráðs eru veitt tónskáldi og tónlistarflytjanda til skiptis annað hvert ár og eru afburða listamenn í fremstu röð tilnefndir hverju sinni.

Listvinafélagið í Reykjavík er afar stolt af að eiga stóran þátt i óratóríunni Guðspjall Maríu en Hörður Áskelsson pantaði verkið sérstaklega hjá Huga fyrir hönd Listvinafélagsins í Reykjavík. Segja má að Guðspjall Maríu hafi vakið mikla athygli og hlotið afar lofsamlega dóma ásamt geisladiskinum sem kom út 2023 og fékk Hugi Guðmundsson tónskáld m.a. Íslensku tónlistarverðlaunin 2023 fyrir Guðspjall Maríu sem var valið Tónverk ársins 2022 og tileinkaði hann Herði Áskelssyni verðlaunin.

Nánari upplýsingar um verkið og tilnefninguna á heimasíðu Listvinafélagsins, www.listvinafelag.is.

Við fylgjumst spennt með beinni útsendingu í kvöld kl. 19.40 og óskum öllum tilnefndum til hamingju!

Óratórían Guðspjall Maríu- The Gospel of Mary- eftir Huga Guðmundsson er tilnefnd til Norrænu tónlistarverðlaunanna sem...
22/10/2024

Óratórían Guðspjall Maríu- The Gospel of Mary- eftir Huga Guðmundsson er tilnefnd til Norrænu tónlistarverðlaunanna sem afhent verða í Hörpu í kvöld 22. október 2024. Tónlistarverðlaun Norðurlandaráðs eru veitt tónskáldi og tónlistarflytjanda til skiptis annað hvert ár og eru afburða listamenn í fremstu röð tilnefndir hverju sinni.

Listvinafélagið í Reykjavík er afar stolt af að eiga stóran þátt i óratóríunni Guðspjall Maríu en Hörður Áskelsson pantaði verkið sérstaklega hjá Huga fyrir hönd Listvinafélagsins í Reykjavík. Segja má að Guðspjall Maríu hafi vakið mikla athygli og hlotið afar lofsamlega dóma ásamt geisladiskinum sem kom út 2023 og fékk Hugi Guðmundsson tónskáld m.a. Íslensku tónlistarverðlaunin 2023 fyrir Guðspjall Maríu sem var valið Tónverk ársins 2022 og tileinkaði hann Herði Áskelssyni verðlaunin.

Nánari upplýsingar um verkið og tilnefninguna á heimasíðu Listvinafélagsins, www.listvinafelag.is.

Við fylgjumst spennt með beinni útsendingu í kvöld kl. 19.40 og óskum öllum tilnefndum til hamingju!

Address

Reykjavík

Website

Alerts

Be the first to know and let us send you an email when Listvinafélagið í Reykjavík posts news and promotions. Your email address will not be used for any other purpose, and you can unsubscribe at any time.

Contact The Establishment

Send a message to Listvinafélagið í Reykjavík:

Shortcuts

Share