FIRST LEGO League Ísland

04/05/2026

FLL þema ársins er BIOGLOW!
https://www.youtube.com/watch?v=_g9kl7xb8nU

Við hvetjum ykkur til að skrá lið frá ykkar skóla og taka þátt í þessu lærdómsríka og skemmtilega verkefni.

Skráning lýkur 8. maí 2026 - fyrstur kemur, fyrstur fær: https://forms.cloud.microsoft/e/sSBEv3Sf6e

Þrautabrautin verður send út í lok ágúst. Keppnin verður haldin í Háskólabíói laugardaginn 14. nóvember 2026.

Ef þið hafið spurningar eða óskið eftir frekari upplýsingum, ekki hika við að hafa samband!

Introducing the FIRST LEGO League season, coming August 4, 2026. https://hubs.ly/Q04fcrjm0

20/04/2026

Við viljum bjóða grunnskólum að taka þátt í FIRST LEGO League (FLL) 2026, spennandi alþjóðlegu verkefni sem sameinar sköpun, tækni og teymisvinnu. FLL er ætlað nemendum á grunnskólastigi og gefur þeim tækifæri til að takast á við raunveruleg viðfangsefni með aðferðum verkfræði og forritunar.

Við hvetjum ykkur til að skrá lið frá ykkar skóla og taka þátt í þessu lærdómsríka og skemmtilega verkefni.

Skráning fer fram í gegnum Microsoft Forms: https://forms.cloud.microsoft/e/sSBEv3Sf6e

Vinsamlegast athugið: Skráning hefst 20. apríl og lýkur 8. maí 2026. Einungis 24 lið geta skráð sig til keppni - fyrstur kemur, fyrstur fær.

Keppendur eru á aldrinum 10-16 ára. Í hverju liði eru 4-10 keppendur og að minnsta kosti einn fullorðinn leiðbeinandi.

Nýja þrautabrautin verður send út í lok ágúst, þar sem liðin vinna með nýtt viðfangsefni á hverju ári.

Kostnaður við þátttöku ásamt gjaldi fyrir þrautabraut er 55.000 kr. Greiðsluseðlar verða sendir á skólana í lok júní (30.000 kr þátttökugjald per lið og 25.000 kr fyrir hverja þrautabraut).

Keppnin verður haldin í Háskólabíói laugardaginn 14. nóvember 2026.

Ef þið hafið spurningar eða óskið eftir frekari upplýsingum, ekki hika við að hafa samband.

19/03/2026

Í dag tilkynntu FIRST og LEGO Education að komandi tímabil verði síðasta tímabil FIRST LEGO League.

Þetta eru stór tíðindi, en við viljum fullvissa allt okkar samfélag – nemendur, leiðbeinendur, skóla, foreldra og samstarfsaðila – að árleg vélmennakeppni okkar á Íslandi mun halda áfram.

FIRST LEGO League tímabilið í haust verður með nákvæmlega sama sniði og áður. Það er engin þörf á að kaupa nýjan búnað og eldri búnaður ykkar verður ekki úreltur.

Frá og með næsta ári tekur við nýr og enn meira spennandi kafli: Vélmennakeppnin okkar heldur áfram og verður aðgengileg enn fleiri börnum og ungmennum, með tækni og keppnisformum sem við þekkjum og metum.

Við viljum bjóða ykkur á Zoom-fund á mánudaginn næstkomandi kl. 14:15–15:45 þar sem við munum kynna nánar nýju vélmennakeppnina og næstu skref: https://eu01web.zoom.us/j/69484388812?pwd=fRIxZTJPg9dN7nsQ1oVWjITgokPaEJ.1

Takk fyrir áframhaldandi stuðning og áhuga. Við hlökkum til að deila og móta með ykkur framtíð íslenskrar vélmennakeppni.

12/01/2026

Spennandi tímar framundan hjá First LEGO League, þróun og breytingar með nýjum búnaði!

15/11/2025

Takk sömuleiðis fyrir ykkar framlag til þessa frábæra dags Team Spark - Formula Student Iceland og Ada - Hagsmunafélag kvenna og kvára í upplýsingatækni við HÍ!

09/11/2025

08/11/2025

Til hamingju Berserkir! FIRST LEGO League meistarar 2025!

08/11/2025

🏆Berserkir FIRST LEGO League meistarar 2025!🏆

Liðið Berserkir úr Grunnskóla Hornafjarðar sigraði Stóru LEGO-keppni grunnskólanna, FIRST LEGO League Ísland, sem fram fór í Háskólabíói í dag. Með sigrinum unnu Berserkir sér inn þátttökurétt á mótum FIRST® LEGO® League erlendis.

Þetta er í fimmta sinn sem lið úr Grunnskóla Hornafjarðar sigrar keppnina og er hann því sigursælasti skólinn frá upphafi 👏👏👏

Innilega til hamingju með sigurinn, Berserkir!

Við þökkum öllum liðunum kærlega fyrir þátttökuna og frábæra frammistöðu. Þvílíkur dagur!

Hlekkur á frétt Háskóli Íslands um keppnina og öll úrslit í fyrstu athugasemd 👇

📸 Sigurjón Ragnar

08/11/2025

Flottu básarnir 😍

08/11/2025

Dagskrá FIRST Lego League Iceland 2025!
Æsispennandi dagur framundan, endilega kíkið við!