Stichting Stellingwarver Schrieversronte

05/05/2026

Et wereldberoemde boek de gruffalo is now ok in et Stellingwarfs beschikbar. Henk Bloemhoff het et boek vertaeld.

Vanaof now te koop bi'j de Stichting Stellingwarver Schrieversronte

Prachtig om veur te lezen an de kiender en kleinkiender

23/04/2026

De Gruffalo in ’t Stellingwarfs!

Et wereldberoemde kienderboek The Gruffalo is now ok in et Stellingwarfs verschenen

De eerste uutgifte was al in 1999, in et Engels. D’r volgden hiel vule vertaelings. De oorspronkelike tekst is van Julia Donaldson, et tekenwark is van Axel Scheffler. Et boek is vertaelt deur Henk Bloemhoff uut Oosterwoolde.

De Gruffalo staot bekend as een klassiek kienderboek. Niet allienig kiender, zeg mar van 2 tot 7 jaor wo’n d’r deur mitsleept, mar de veurlezende grote meensken al liekewel. Biezunder genoeg kuj’ je mit de Gruffalo ok in de bosrieke omgeving van Stellingwarf vulen. Dat komt vanwegens et rejaole beeldwark mit bos- en aandere netuurelementen. Mar ok deur Moes, Slange, Oele en Vos, slim herkenbere dieren in heur eigen rollen in et verhael. En toch ok deur de Gruffalo zels, een indrokwekkend fantesiebeest! Of… is et dat toch juust niet? Daor dri’jt et now krek omme, in een keunstige verhaellijn…

De Gruffalo is hier te bestellen https://stellingwarfs.nl/product/de-gruffalo/ veur de pries van €10,-



© Macmillan Children’s Books, Londen

08/04/2026

Wat betekent het om Nedersaks te zijn?

Op donderdag 16 april komt het Nedersaksen college Hier leeft ons verhaal naar Dedemsvaart. Verwacht geen droge lezing, maar een avond vol streektaal, muziek, herkenning én gesprek.

Taalwetenschapper Harrie Scholtmeijer, streektaalambassadeur Albert Bartelds en dagvoorzitter Monique Sleiderink nemen je mee in verhalen over taal, cultuur en verbondenheid.

Of je nu dialect spreekt of gewoon nieuwsgierig bent: je bent welkom!

📍 De Turfschuur, Dedemsvaart
🕗 Donderdag 16 april van 20.00 tot 22.00 uur
🎟 €5,-
✉️ Meld je voor 12 april aan via: [email protected]

Lees meer: https://lnkd.in/eWKzXdnW



foto: Stichting Overijselacademie

27/03/2026

Spreek jij Nedersaksisch? Dan kan je je stem doneren via het platform proaten.nl! Dit initiatief van Rijksuniversiteit Groningen (Faculty of Arts - University of Groningen), onder leiding van Martijn Wieling, heeft als doel om spraaktechnologie voor verschillende Nedersaksische varianten te ontwikkelen.

Als Stichting Stellingwarver Schrieversronte steunen we samen met andere streektaalorganisaties en kennispartners op het gebied van regionale eigenheid (o.a. Centrum Groninger Taal & Cultuur, Huus van de Taol, Erfgoedcentrum Achterhoek en Liemers en de Overijsselacademie het belang van deze ontwikkeling voor onze regio.

Ga naar de website www.proaten.nl en ontdek meer!

Samen zorgen we ervoor dat het Nedersaksisch blijft leven én meebeweegt met de tijd.

23/03/2026

Deensdag 7 april 2026 | 19:30 uur | Biebeltheek Wolvege | Toegang vergees

In meert is et de Streektaelmaond in Nederlaand. In disse maond krigt et Nedersaksisch meer andacht en wodt disse tael vierd as een levend diel van oonze kulturen. Streektael verbient generaosies, beweert geschiedenis en geft kleur an verhaelen die mondeling deurgeven binnen.

Daoromme geft Arjan Sterken op deensdag 7 april 2026 een lezing over volksverhaelen in de biebeltheek van Wolvege. De lezing wodt vanzels in et Stellingwarfs holen.

In zien wetenschoppelik wark onderzuukt Arjan hoe as verhaelen, van oolde mythen tot an moderne folklore, oonze kulturele gebruken, angsten en dromen weerspiegelen. Wat zeggen sagen, legenden en streekverhaelen oons over eigenhied en gemienschop? Waoromme blieven bepaolde verhaelen ieuwenlaank deurleven? En watveur rol speult tael in et bewaeren en deurgeven van die verhaelen?

Bi’j disse lezing nimt Arjan jow mit in de wereld van volksverhaelen: heur oorsprong en blievende betekenis in de mederne wereld. Daorbi’j kiekt hi’j ok naor de streektael en hoe belangriek as et is om immaterieel arfgoed levend te holen. Vanzels is d’r biezundere andacht veur de volksverhaelekultuur in de Stellingwarven.

De lezing duurt 45 menuten van 19:30 tot ongeveer 20:45 ure (inklusief vraogen en naopraoten). Inloop vanof 19:20 ure. De toegang is vergees.

Tiedens de aovend is d’r een boeketaofel waor aj’ in relevante boeken snuusteren en kopen kunnen. Vanzels het de biebeltheek ok bi’jpassende boeken te lien.

09/03/2026

Winterlocht in Berkoop

Inkotten is Winterlocht te zien in Berkoop, een biezundere poëtische aovendkuier, maekt deur et keunstenerstwietal Kroft & Smids.

Tiedens Winterlocht veraanderen monementen, gevels en stegies in waore filmdoeken. Deur projekties van inspirerende animaosies, dichtwarken, filesofische citaoten en oelige filmpies kriej’ een toegaankelike lichtroute veur jong en oold. Aj’ goed opletten, dan zuj’ ok citaoten in et Stellingwarfs en een gedicht van Johan Veenstra tegenkommen.

Winterlocht is de opmaot veur et 55-jaorig jubileum van Eupen Stal dat kommende zoemer vierd wodt.

Winterlocht lopt van 12 tot en mit 22 meert elke dag van 19.30 tot 22.00 ure. Disse route van 1,5 kilemeter is vergees te kuieren en te bekieken.

03/03/2026

Stellingwarver band Asbest het afstudeerkoncert op 3 meert

Et is meertmaond streektaelmaond, en hoe beter as dat in te lieden mit boerenrock! De band Asbest uut Ooldehooltwoolde timmert al een tiedtie an de weg om een ni’je rocksensaosie te wodden in de Stellingwarven. Mit nommers as Mien S**g is Op en n Kampioen kriegen ze al meer andacht in et Nedersaksische mezieklaandschop.

Op 3 meert studeert gitaorist en zaanger Jannes Scheltinga of bi’j Firda mit een biezunder koncert in Neushoorn in Liwwarden. Et trio Asbest wodt ditmaol oondersteund deur een grotere besetting, dus dat wij’m niet missen! Kaorten kunt besteld worden via de webstee van Neushoorn: https://www.neushoorn.nl/events/asbest-stoeprand.

Lest was Asbest ok live te zien bi’j Djammen van RTV Drenthe. Luuster bi’jveurbield es naor Heuj deur hier te klikken.

26/02/2026

Stellingwarver zulen in biebeltheken

In de biebeltheken van Zuudoost-Frieslaand kuj’m boeken lienen in en over et Stellingwarfs. Mar van disse maond of staon d’r ok Stellingwarver infermaosiezulen! Daor vien ie infermaosie op over et Stellingwarfs, de literetuur en de perjekten die as de tael zichtber maeken in et pebliek.

Jim vienen de zulen in de biebeltheken van Noordwoolde, Oosterwoolde en Wolvege.

07/02/2026

Ni’j inspiraosiedokumint ‘Streektaal en erfgoed’ laot zien how as arfgoedinstellings streektael verstarken kund

De Drentse, Gronnigse, Stellingwarfse, Sallaanse, Twentse, Achterhoekse en Veluwse streektaelorgenisaosie presenteren tesaemen et ni’je inspiraosiedokumint Streektaal en erfgoed. In disse peblikaosie laowe zien how as arfgoedinstellings een aktieve rol speulen kund in et verstarken en zichtber maeken van streektael.

Betekenisvol stee in de peblieke ruumte
Et dokumint staot vol veurbielden en praktische ideeën om streektael een dudelik en betekenisvol stee te geven in de peblieke ruumte. Musea, archieven en historische verieningen vinden d’r inspiraosie om heur pebliek te betrekken mit streektael in progremmering, kommunikaosie en peblieksaktiviteiten.

Et inspiraosiedokumint kun jim hier daelladen.
https://stellingwarfs.nl/wp-content/uploads/2026/01/GTC2517_Streektaal-en-erfgoed_04.pdf

16/12/2025

Wi'j zuken jow of stuur naor iene deur die slim geschikt wezen zol!

09/10/2025

Harmen Houtman laot zien ni'je gedichten heuren tiedens

De bundel die hi'j tegere mit Roely Bakker schreven het is now te koop.
https://stellingwarfs.nl/product/tegere/

Stichting Stellingwarver SchrieversronteWillinge Prinsstraote 208421 PE [email protected] / 06-38935615