The Ins and Outs

07/09/2022

ALL REMAINING TICKETS CAN BE FOUND AT THE VENUE ONLY

07/09/2022

🔥🔥FREE PARKING FREE PARKING FREE PARKING🔥🔥 - Use Montgomery College Parking Garage at the same location.

ESFNA

07/06/2022

TICKETS GOING FAST !

07/06/2022

07/05/2022

The man of the hour!!

07/03/2022

GET YOUR TICKETS - call 2023047938

A Journey of an immigrant filmmaker settling into his new mindset than the society.

06/29/2022

🔥🔥 ✌️የኢትዮጵያዊያን ህይወት በአሜሪካ በመሰንበቻ ፕሮግራም Fm Addis 97.1 Etv | Ethiopia | News
644 views Jun 25, 2022 የኢትዮጵያዊያን ህይወት በአሜሪካ በመሰንበቻ ፕሮግራም Fm Addis 97.1 🔥🔥✌️

የኢትዮጵያዊያን ህይወት በአሜሪካ በመሰንበቻ ፕሮግራም Fm Addis 97.1

06/29/2022

2022 Addis International Film Festival

06/29/2022

አዲሱ መስታዎት -
“THE INS AND OUTS"

“ጥቂቶች መግባባትና መደማመጥ አቅቷቸው በሚጭሩት እሳት አልያም በውጭ ጣልቃ ገብነት በሚቀሰቀሱ ትርፍ የለሽ የእርስ በእርስ ጦርነቶች በቀዳሚነት ህይወታችንን ለመስጠት መገደዳችንን እንዲሁም ዋጋ ከፍለው ያሳደጉንን ወላጆቻችንን ወይም የምንኖርላቸውን ሰዎች ህይወት ለመቀየር ስንል በአገር ከመኖር ይልቅ ስደት መርጠን በየበረሃው እና በየውቅያኖሱ እንደ ጨው ተበትነን መቅረት ዕጣ ፋንታችን ሆኖ መቅረቱን ሳስብ፣ የሌለብንን ዕዳ ለመክፈል የመጣን ትውልዶች ነን ብዬ አስባለሁ!”

[ ከ “THE INS AND OUTS” ፊልም የተወሰደ ]

| ዮሃንስ ፈለቀ ተወልዶ ያደገው በአዲስ አበባ ከተማ በሚገኘውና በተለምዶ “ፈረንሣይ ለጋሲዮን” ተብሎ በሚጠራው ሰፈር ነው፡፡

ከቤተሰቡና ከዕድሜ እኩዮቹ ጋር ከሰፈሩ ተነስቶ ወደ እንጦጦ ጫካ በማምራት የማገዶ እንጨት መልቀም ያዘወትር የነበረው ብላቴናው ዮሃንስ፣ ከእንጦጦ ጫካ የእለት እንጀራ ማብሰያ ማገዶ ብቻ ሳይሆን ለዘመናት የዘለቀ የፈጠራ ሰበብ ወይም ሃሳብ ጭምር ነበር ይዞ የወጣው፡፡

ማገዶ ለመልቀም በሄደበት ጫካ ውስጥ ያጋጠመውና የልጅ ልቡን ክፉኛ ያሳዘነው የድሃ እንጨት ለቃሚ እናቶች አስከፊ ዕጣ ፋንታ፣ ለዘመናት በውስጡ ሲብላላ ኖሮ በስተመጨረሻም ዘጋቢ ፊልም ለመሆን በቃ፡፡

ዮሃንስ የልጅነት ገጠመኙን መነሻ በማድረግ 500 ብር በማይሞላ ወጪ ሰርቶ ያጠናቀቀው “Just for one day” የተሰኘው የመጀመሪያ ዘጋቢ ፊልሙ፣ ህይወትን ለማሸነፍ ሲሉ ከእንጦጦ ጫካ ጋር ትግል በሚገጥሙ እናቶች ዙሪያ የሚያጠነጥን ነው፡፡

የዘጠኝ ደቂቃ እርዝማኔ ያለው ይህ ዘጋቢ ፊልም በበርካታ የአውሮፓ እና የአፍሪካ አገራት ለእይታ የበቃና ዩሃንስን ለተለያዩ ሽልማቶች ያሳጨው ብቻ ሳይሆን፣ ዛሬ ለደረሰት የኪነ-ጥበብ ህይወት በር ከፋችም ጭምር ነበር የሆነለት።

የስፔን የሳይንስ እና ባህል ማእከል ለአምስት አመታት None Exclusive Right በመላው አለም በስፋት እንዲታይ ባደረገው በዚህ አጭር ዘጋቢ ፊልም ረጅሙን የሲኒማ ጥበብ ጉዞውን አሃዱ ብሎ የጀመረው ዮሃንስ ፈለቀ፣ በትጋት በታጀበው ጉዞው በርካታ ስኬታማ ስራዎችን ለማበርከት በቅቷል፡፡

📍“ለአንድ ቀን”፣
📍“ሳምራዊ”፣
📍“ሄሎ ኢትዮጵያዊ”፣
📍“ልጆቹ” እና
📍 “Where is my dog?” ዮሃንስ ፅፎ ካዘጋቻቸውና ለእይታ ካበቃቸው በርካታ ተወዳጅ ፊልሞች መካከል ለአብነት የሚጠቀሱ ናቸው።

በፕሮዲዩሰርነት፣ በረዳት አዘጋጅነትና በፕሮዳክሽን ማኔጀርነት ከሰራባቸው ከ20 በላይ የሚሆኑ ፊልሞች መካከልም

📍የ ያሬድ ዘለቀ “Lamb”፣
📍“The Ethiopia”፣
📍“The wild years” እና
📍“Crumbs” በታላላቅ አለም አቀፍ የፊልም ፌስቲቫሎች የተለያዩ ሽልማቶችን ለማግኘት የቻሉ ናቸው።

የአገር ውስጥ መገናኛ ብዙሃን ብቻ ሳይሆኑ፣ በአውሮፓና በአሜሪካ የሚገኙ የተለያዩ ሚዲያዎች ጭምር ስለ ስራዎቹ ብስለትና ኪነጥበበቃዊ ፋይዳ በስፋት የዘገቡለት ትጉህ የሲኒማ ጥበብ ባለሙያ ነው - ዮሃንስ ፈለቀ።

ሙያውን ለማህበራዊ ግልጋሎት በማዋል የሚታወቀው ባለሙያው፣ በዚህ ረገድ ከሰራቸው ተጠቃሽ ስራዎች መካከልም በወሊድ ምክንያት የሚሰቃዩና ለሞት የሚዳረጉ እናቶችን በተመለከተ የግንዛቤ ማስጨበጫ ሙዚቃ እንዲዘጋጅ ሃሳብ በማመንጨት ከአዲስ አበባ ፊስቱላ ሆስፒታል እና ከአርቲስት ሞገስ ተካ ጋር በመተባበር አንጋፋውን ድምጻዊ መሀሙድ አህመድን ጨምሮ በርካታ ታዋቂ የአገራችን ባለሙያዎች የተሳተፉበትን “ጂንግል” ለህዝብ ማድረሱ ይጠቀሳል፡፡

ከተለያዩ አለም አቀፍ ድርጅቶች ጋር በመቀናጀትም በተለያዩ የኢትዮጵያ ክልሎች በመዘዋወር የእናቶችን ሞት ለመቀነስ የሚያግዙ በርካታ ስራዎችን ሰርቷል።

📍📍“We are the world” የተሰኘውንና በርካታ የአለማችን ዝነኛ ድምጻውያን በጋራ ያቀነቀኑትን አለምአቀፍ ህብረ ዝማሪያዊ ሙዚቃ ርዕስና ሃሳብ መነሻ በማድረግ ከታዋቂ ድምፃውያን እና የጥበብ ባለሙያዎች ጋር ጥምረት በመፍጠር ያዘጋጀውን

“እኛ ነን ኢትዮጵያ”

የተሰኘ ህብረ ዝማሬም ለታላቁ የኢትዮጵያ ህዳሴ ግድብ ፕሮጀክት በስጦታ አበርክቷል።

ዮሃንስ ፈለቀ ከሁለት አመታት በፊት በኦሮምኛ ቋንቋ ያቀነቀነው ሙዚቃም፣ በአገር አቀፍ ደረጃ በሚዘጋጀው አመታዊው “ኦዳ አዋርድ” የተሰኘ የኪነጥበብ ዘርፍ ሽልማት በዕጩነት ከቀረቡ ሦስት የኦሮምኛ ሙዚቃዎች አንዱ ለመሆን በቅቶለታል።

በአንድ ወቅት ከቀድሞው የኢትዮጵያ ጠቅላይ ሚንስትር አቶ መለስ ዜናዊ ጋር ለአጭር ቆይታ የመገናኘት ዕድል የገጠመው ዮሃንስ፣ አጋጣሚውን ተጠቅሞ ለሰውዬው እንዲመለከቱት የጋበዛቸው ፊልም “Just for one day” የተሰኘውን የራሱን የመጀመሪያ ፊልም ነበር።

ዮሃንስ ይህን ፊልም ለሰውዬው የጋበዘበት የራሱ ምክንያት ነበረው፡፡ “ዋጋ ተከፍሎብን ነው ያደግነው፤ አንዲት ደሃ እናት ዳገት ቁልቁለት ወጥታ ወርዳ፣ ከጫካ አውሬ ጋር ታግላ እንጨት ለቅማ ያሳደገችው ተስፋ የምታደርግበት ልጇ ድንገት ወጥቶ የውሃ ሽታ ሆኖ ሲቀር ምን አይነት ስሜት ሊሰማት እንደሚችል ይመልከቱ” ለማለት ነበር ፊልሙን እንዲያዩት የጋበዛቸው፡፡

ድንገት ወጥቶ የውሃ ሽታ ሆኖ የመቅረትን አሳዛኝ ዕጣ ፋንታ ሊያሳይ የሞከረው ዮሃንስ፣ የኋላ ኋላ ግን እሱም የዚህ ዕጣ ፋንታ ገፈት ቀማሽ ከመሆን አላመለጠም፡፡ የኢትዮጵያ ኪነጥበብ ተስፋ አስቆራጭ ደረጃ ደርሷል የሚል ድምዳሜ ላይ መድረሱን ተከትሎ፣ ያገኘውን አጋጣሚ በመጠቀም የሚወዳትን አገሩን ትቶ ወደ አገረ አሜሪካ ተሰደደ፡፡

ተሰድዶም ቢሆን ግን፣ ከሚወደው የሲኒማ ጥበብ ርቆ አልራቀም፤ ለዚህም ምክንያት አለው፡፡
“ሲኒማ ትላንት ምን ይመስል እንደነበረ፤ ዛሬ ምን እንደሚመስል፤ ነገ ምን ሊሆን እንደሚችል የምናይበትና የምናሳይበት መስታወት ነው። ዛሬ ፊታችንን በመስታወት ስንመለከት ደግሞ፣ ከፊታችን ላይ ቆሻሻ ካለ ማየት እና መጥረግ ግዴታችን ነው!” ይላል ዮሃንስ ፈለቀ፤ ስለ ሲኒማ ጥበብ ያለውን አመለካከት ሲናገር፡፡

ዮሃንስ ከዚህ እሳቤው በመነሳት ነው፣ ላለፋት አራት አመታት በስደት በቆየባት አሜሪካ የታዘበውን እና የሕይወት ተሞክሮውን በማቀናጀት “THE INS AND OUTS” የተሰኘ አዲስ ዘጋቢ ፊልም ሰርቶ ያጠናቀቀው፡፡

ዮሃንስ ፈለቀ ከስደት ያፈራትን ጥሪት ወጪ በማድረግ ያዘጋጀውን ይህን ፊልም፣ በመጪው ጁላይ 9 በሜሪላንድ ሞንትጎሞሪ ኮሌጅ ለማስመረቅ በዝግጅት ላይ ይገኛል ።

06/28/2022

THE INS AND OUTS movie ሁላችሁም ተጋብዛችኋል !!

06/10/2022

A Journey of an immigrant filmmaker settling into his new mindset than the society.